На ден 09.11.2016 во просториите на Скопскиот саем се одржа шеснаесеттата Седница на Советот за развој на Скопскиот плански регион. На Седницата претседаваше Претседателот на Советот за развој на Скопскиот плански регион, Градоначалникот на Општина Ѓорче Петров, Сокол Митровски. На средбата присуствуваа градоначалници од општините во Скопскиот плански регион , претставници од одделенијата за локален економски развој и поканети гости од АД Водостопанство на Р. Македонија, Министерство за животна средина и просторно планирање на РМ и претставник од компанијата Глобал нет.

Согласно дневниот ред на Седницата, се разгледуваа осум точки, од кои најзначајни беа: презентација на Извештајот и препораките од комисијата која работеше на подобрување на состојбите со каналските мрежи и речните коритаво Скопскиот плански регион и   имплементацијата на проектот “Изработка на неопходна документација за воспоставување на интегриран финансиски самоодржлив систем за управување со отпад во Пелагонискиот, Југозападниот, Вардарскиот и Скопскиот плански регион“ кој го спроведува Министерството за животна средина и просторно планирање на РМ.

На седницата се дискутираше и за предлог проектите со кои Центарот за развој на Скопски плански регион ќе аплицира до Бирото за регионален развој/МЛС за 2017 година. Пред присутните гости се презентираше и новиот иновативен проект “Веб портал- сподели деловен простор” кој се реализира преку Бизнис Центарот на Скопскиот плански регион, како и отворениот повик за грантови кој се спроведува преку ИПА 2 програмата за прекугранична соработка на Р. Македонија со Р. Косово и отворениот повик за грантови од Јапонската влада.

Центарот за развој на Скопскиот плански регион е формиран според Законот за рамномерен регионален развој во Мај 2009 година. 

Добивај е-информатор од СПР

Пријавете своја емаил адреса на која ќе го добивате нашиот е-информатор кој ги содржи сите последни вести и информации од нашиот центар

Контакт инфо

Ул. Димитрие Чуповски бр. 13
Зграда на Стопанска комора на Македонија / први кат
1000 Скопје Македонија
тел.: +389 2 3244 033
тел.: +389 2 3244 036

contact@skopjeregion.gov.mk